LEGAZPI CITY – Suportado kan dating hukom na si Harriet Demetriou an ipigbubusol na imbestigasyon sa Kamara kan basehan para sabihong puwedeng maisabay si dating Calauan, Laguna Mayor Antonio Sanchez sa “good conduct time allowance.”
Si Demetriou an Pasig judge na nagpataw ki Sanchez nin pitong life sentence kan 1995 huli sa panlulugos asin paggadan kina Eileen Sarmenta asin Allan Gomez na anas University of the Philippines Los Baños students.
Sa intrevista kan Bombo Radyo Legazpi ki Demetriou, kaomaw-omaw suboot an lakdang kan mga lehislador para sa imbestigasyon kontra sa mga nanghahamak sa ley. Segun ki Demetriou, dae dapat na palagpason an mga ini huli ta hustisya asin katotoohan suboot an ipinaglalaban sa isyu mantang direktang sinabi na nuarin man dae magigin qualified sa GCTA si Sanchez.
Mawot man kan dating hukom na makahampang sinda Senator Bato dela Rosa, Presidential spokesman Salvador Panelo asin Bureau of Corrections Director Nicanor Faeldon en caso ipaapod sa Kamara o Senado.
Irrelevant man suboot an mga binutasang pahayag ni Sen. Bato sa suboot ‘second chance’, kwinestiyon an interpretasyon sa ley ni Faeldon asin inagyat si Panelo na magbutas sa pwesto kun totoong warang interes sa kaso kan dating kliyenteng si Sanchez.
