LEGAZPI CITY — Rinuso nin dakol na aplikante an ipiglunsar na Job Fair kan Department of Labor and Employment (DOLE) sa sarong dakulang mall sa ciudad kan Legazpi.
Sa intrevista kan Bombo Radyo Legazpi ki Public Employment Service Office (PESO) Legazpi Manager Diosdado Rañeses, nasa 58 employers an nag-atendir sa nasabing aktibidad na pinartisiparan man nin rinibong job seekers.
Mayor na obheto kan nasabing aktibidad na matawanan nin disenteng trabaho an mga aplikante na matched sa skill asin mawot na laogan.
Inasegurar man kan opisyal an tabang kan Department of Trade and Indsutry (DTI) para sa mga mawot na mag-imbwelto sa entrepreneurship siring man sa livelihood na gustong i-avail.
Mientras tanto, kaibanan man an Bombo Radyo sa mga ikinaag na booth sa nasabing aktibidad katakod kan mga mawot na mapasabay sa linyada kan mga anchors, reporters at News Team ng Number 1 Radio Network in the Philippines.
