LEGAZPI CITY—Kanya-kanyang estratehiya ngunyan an mga jeepney drivers sa Sorsogon nganing makakua nin maski papano dugang na ganansya sa pagbiyahe kasunod kan nagpapadagos na paghalangkaw kan presyo kan produktong petrolyo.
Segun ki Sorsogon Integrated Transport Federation (SORINTRAFED) President Ramon Dealca, sa intrevista kan Bombo Radyo Legazpi, na en kaso wara pang pasahero sa laog nin 15 minutos an saindang pigdugangan nin diit pang oras nganing makatipon nin mga pasahero an mga jeep na pasiring sa ibang lugar.
Naghahagad man sinda nin despensa sa mga pasahero sa pag-adjust kan oras sa pagbiyahe huli sa kun dae sinda suboot ma-adjust an dae sinda makapagpakrudo kawsa kan mahal na presyo kaini.
Tinawan-doon man ni Dealca na masunod sinda sa pagpa-otob nin dugang na pamasahe huli sa macha-charge sinda kun sinda masunod digdi.
Mientrastanto, puga-puga na man an pag-asikaso kan saindang mga secretary nin mga lista kan mga driver sa provincia nganing maisumiter sa Land Transportation Franchising and Regulatory Board (LTFRB) para sa ayudang ibabarewas kan Department of Social Welfare and Development (DSWD).
