LEGAZPI CITY-Dadarahon kan Japanese pop group na XG an saindang The Core’ music tour sa Pilipinas sa maabot na Hulyo 22.
Gaganapon an seven-piece act sa Manila leg sa Mall of Asia Arena.


Ipinaluwas na man kan Ovation Productions an seat map kan konsyerto kairiba an ticket prices.

• SVIP X – P16,500

• SVIP G – P15,500

• VIP A – P10,500

• VIP B – P9,500

• VIP C – P8,500

• Box Premium – P6,500


Sa SVIP X package, pwedisir ma-access an artist’s pre-concert soundcheck siring man an post-show send-off event mantang sa SVIP G package, soundcheck sana an maa-access.


Magkakaigwa man nin pre-sale para sa mga fans na “ALPHAZ” na gaganapon sa Abril 28 asin 29 kasunod an general ticket sale sa Abril 30.


Ini an ikaduwang pagbisita kan grupo makalihis an The First Howl” show kan Agosto 2024 sa Araneta Coliseum.


Nagpoon an grupo kan taong 2022, kun sain nakaresibe nin labi sa limang milyones na monthly listeners asin tulong milyon na followers.


Bisto an grupo sa mga track na “Left Right,” “Woke Up” asin an bago nindang kanta na “Rock the boat” asin “Hypnotize.”


Pigbibilog an grupo ninda JURIN, CHISA, HINATA, JURIA, MAYA, COCONA, asin HARVEY.