LEGAZPI CITY-Nagpaluwas nin tsunami alert an Japan Meteorological Agency makalihis an nangyaring pagyugo na nasa magnitude 7.1 sa isla kan Kyushu.
Tuminama an nasabing linog bandang alas 3:27 nin hapon, oras sa Pilipinas.
Nagpatanid man an Japan Meteorological Agency nin banta kan tsunami na may langkaw na nag-aabot sa labi sarong metro.
Kinumpirma man ni Japanese Prime Minister Sanae Takaichi na labi 50 katawo an nairido huli sa pagtama kan linog.
Sinabi kaini na igwa nang ipinakalat na rescue team ngani iligtas an mga ini sa mga nagguhong shopping center.
Dagdag pa kaini na igwang mga nagkapirang kakalsadahan asin edificion an nagsapar nin danyos huli sa pagyugo.
Wara man nin nairehistrong danyos sa Sendai nuclear power plant kun sain an epicenter kan linog basado sa pagtataya kan International Atomic Energy Agency.
Marurumduman na kan Hunyo 25, tuminama man sa Japan an magnitude 7.2 na pagyugo alagad warang anumang nairehistrong o danyos.
