Nagbutas na sa saiyang pwesto si Japan Prime Minister Shigeru Ishiba nganing maibitaran an sarong pagkakabahagi sa laog kan saiyang partido, an Liberal Democratic Party (LDP), segun sa reports.
Si Ishiba an nagin prime minister kan Oktubre 2024 asin pinangenotan an sarong coalition sa pagultangan kan Liberal Democratic Party asin Komeito.
Sa saiyang pamayo, nawaran nin majority sa parehong mababang kapulungan asin halangkaw na kapulungan nin parlamento an saiyang coalition, kasunod kan dagit kan mga botante sa padagos na paghalangkaw kan mga gastuson sa nacion.
Huli digdi nawara an majority sa mababang kapulungan kan Oktubre 2024 asin an majority sa halangkaw na kapulungan kan Hulyo 2025.
Makalihis na madaog kan Hulyo, sinabi ni Ishiba na tinanggap niya an magabat na resulta kan eleksyon alagad nagdesisyon nganing magtenir bilang prime minister.
Nakatalaan man na ngunyan na Lunes, Setyembre 8, an mga miyembro kan Liberal Democratic Party nganing magdesisyon kun mapreparar nin sarong extraordinary leadership election.
Huli sa mga haka-haka sa political uncertainty, nagbaba an salapi kan Japan asin an pagpapabakal nin Japanese government bonds.
Dugang pa kaini na nakasentro man an posibilidad na maribayan si Ishiba kan sarong pinuno na matao nin mas maluwag na fiscal asin monetary policy, siring ni Sanae Takaichi, na kritikal pag-abot sa paghalangkaw kan interest rate kan Bank of Japan.
Si Takaichi an nadaog ni Ishiba sa LDP leadership run-off.
Kamakailan natapos ni Ishiba an sarong kasunduan sa Estados Unidos, kun saen nagpromesa an Japan nin $550 billion na pamumuhunan bilang karibay kan pagbaba kan taripa sa sektor kan mga lunadan kan Japan.
, NHK reported.){kind=link}