Ikinadagit kan Japan an peligrosong pagma-maneobra kan fighter jet kan China na diit pang tamaan kan saindang eroplano sa Pacific Ocean.
Segun ki Chief Cabinet Secretary Yoshimasa Hayashi na an J-15 Chinese warplane na hali sa Shandong aircraft carrier an naglayog sa 45 meters na harani sa saindang P-3C martime surveillance plane kan Japan.
An P-3C aircraft an pagsadiri kan Maritime Self-Defense Force kan Japan nakabase sa isla kan Okinawa.
Nagsasagibo sana sinda nin surveillance sa international waters sa Pacific na ipigkondusir kan Chinese warplanes an peligrosong lakdang.
Bako man ini an enot na bes na suboot igwang ginibong panunupil an China sa sainda huli ta kan nakalihis na Sabado, hinabol man kan Chinese J-15 warplanes hali sa Shandong an saindang Japanese P-3C patrol aircraft nin haros 40 minuto.
Sinierto man kan Japanese government na imamantenir ninda an magayon na komunikasyon sa China sa anuman na lebel asin ipagpapadagos an monitoring kan airspace na sakop kan Japan.
