Liwat na pinatawan kan Sandiganbayan Special Third Division si Janet Lim Napoles nin reclusion perpetua o maabot sagkod 80 taon na pagkakakulong.
Huli ini sa kasong kasong two counts of malversation of public funds na may kinaaraman sa bako makatarungang paggamit kan Priority Development Assistance Fund (PDAF).
Sa 165 pahinang desisyon kan Sandiganbayan an napatunayan si Napoles asin iba pa na guilty sa malversation of public funds kan namaaram na si Benguet Rep. Samuel Dangwa na nagkakantidad nin P19 milyon.
Nakasaad sa ley na an indibidwal na imbuelto sa malversation of public funds an pwedesir patawan nin reclusion perpetua kun naglagpas sa kantidad nin P8.8-M an nakulimbat.
An mga kaso man kan Dangwa asin tolong iba pa an ibinasura makalihis an saindang pagkagadan, susog sa desisyon na iniakda ni Associate Justice Ronald Moreno, an namamayo sa Special Third Division kan Sandiganbayan.
