Nagdonar si J-Hope kan BTS nin 100 milyong Korean won (poco mas o menos ₱3.8 milyon) nganing suportaran an mga pamilya kan mga biktima kan trahedyang Jeju Air plane crash.
An donasyon an ipinadara sa Hope Bridge National Disaster Relief Association.
An Jeju Air flight 7C2216 an buminangga sa sarong pader asin nagliyab mantang pigbabalong mag-emergency landing sa Muan International Airport kan Disyembre 29, na nagresulta sa pagkagadan kan 179 katawo.
Duwang crew members sana an nakaligtas sa insidente.
An trahedyang ini an ipigtuturing na pinakadakulang aksidente sa aviation sa kasaysayan kan South Korea.
Makalihis an insidente, nagdeklara an nasyon nin National day of mourning asin pinahigot an mga imbestigasyon mapadapit sa aksidente.
