LEGAZPI CITY-Nagbakal an aktres asin content creator na si Ivana Alawi nin 100 units kan bagong release na branded smartphone ngani ipanao sa saiyang masuswerteng mga fans.
Sa sarong video na nai-post sa saiyang social media page, ipigheras ni Ivana an saiyang pananabik na magbakal nin mga smartphone.
Segun saiya na first time niyang magbakal nin siring kaini kadakol na mga smartphone.
Pigenganyar man ni Ivana an saiyang fans na mag-intra sa giveaway sa paagi sana kan pag-follow sa saiyang page, pag-share kan video, asin pag-comment kan saindang paboritong kulay.
Sinabi pa niya na makakatanggap an nasa 100 na fans nin bagong smartphone.
Huli digdi nag-abot sa kabilugang ₱4.28 milyon an saiyang ginastos para sa mga ipapanaong gadget kun sain kada smartphone, nagkakantidad nin dai mababa sa ₱85,000.
Mientras tanto, an nasabing post n Ivana, nakakua nin nasa 108 million views asin 3.7 million na mga komento.
