Nagluwas an itom na aso gikan sa chimney kan Sistine Chapel kun saen nangangahulugang wara pang napipili na bagong Santo Papa na maribay ki Pope Francis.
Pasado alas-tres nin maagahon (oras sa Pilipinas) kan nagpuon na magpaluwas nin itom na aso an chimney kan Sistine Chapel.
An pagpili nin bagong Santo Papa kinakaipuhan nin two-thirds majority. Sa 133 cardinal na yaon sa laog kan kwarto, 89 digdi an dapat magsurat nin sarong pangaran sa saindang mga sekretong balota.
Segun sa Vatican News, magkakaigwa nin sagkod sa apat na balota sa sarong aldaw, duwa sa aga asin duwa sa hapon.
Kun warang mapipiling Santo Papa makalihis an tulong aldaw, an botohan ipupundo para sa sarong aldaw na pagpangadyi, informal discussions, asin sarong halipot na spiritual exhortation gikan sa senior cardinal deacon.
