Kinumpirmar kan militanteng grupo na nagadan kan Israeli military an pamayo kan Hezbollah na si Hassan Nasrallah sa airstrike sa Beirut, Lebanon.
Tinarget kan Israeli fighter jets an headquarters kan militanteng grupo, na madudukayan sa southern suburbs na bisto bilang Dahiyeh.
Segun sa Israel Defense Forces na si Nasrallah an nag-o-operate hali sa headquarters asin nagbubusol kan terrorist activities kontra sa mga namamanwaan kan Israel.
Ipigsaladawan man kan Hezbollah si Nasrallah bilang sarong “sagradong martir” an nasabing lider asin nagpromesa na ipagpapadagos an pakikipaglaban kaini sa Israel.
