Kinumpirmar kan Israel na tinamaan kaini an duwang nuclear facilities kan Iran pirang oras makalihis na magpatanid nin dugang pang mga pag-atake laban sa Islamic country.
Segun sa Atomic Energy Organization kan Iran, tinarget sa pag-atake an Shahid Khondab Heavy Water Complex sa Arak asin Ardakan yellowcake production plant sa Yazd Province.
Dai man nagkawsa nin ano man na casualties an mga strikes asin wara nin huma nin kontaminasyon.
An Arak plant kaya an dai na nag-ooperar poon kan atakehon ini kan Israel kan Hunyo, mantang an yellowcake production plant man an sarong concentrated form nin uranium pagkatapos na haleon an mga impurities sa raw ore.
Mientrastanto, tulos na nagpatanid an Iran nin pagbalos, kun sain sinabi ni Iranian Foreign Minister Abbas Araghchi na magtatao sinda nin “magabat na kabayadan” para sa mga krimen kan Israel.
Dae naghaloy, inihayag kan Iran na tinamaan kan strikes kaini an sarong military base kan Amerika sa Saudi Arabia.
An pag-atake kan Iran sa Prince Sultan Air Base naka-irido nin 10 American troops, duwa sainda an seryosong na-irido, segun sa duwang opisyal kan Estados Unidos na pamilyar sa sitwasyon.
Nagkapirang refueling aircraft an nadanyaran sa pag-atake.
