Nagtugot an Israel sa propwesto kan Estados Unidos na tigil-putukan sa Gaza sa panahon kan Ramadan asin Paskuwa.
Sa enot na aldaw kan kasunduan, papalayaon an kabanga sa mga bihag na kapot sa Gaza, buhay man o gadan, matang an natatada an papalayaon pagkatapos mapagkasunduan an permanenteng tigil-putukan.
An nasabing propwesto an isinunad ni US President Donald Trump’s envoy, Steve Witkoff, makalihis na mapagtantong kaipuhan nim mas hibabang panahon para sa mga negosasyon pasiring sa panghaluyang katuninungan.
Sa ibong kan tinanggihan kan Hamas an naenot na suhestyon kan Israel na palawigon an enot na kabtang kan tigil-putukan, dae ninda tahasang pigtaram an planong ini.
Nakahanda an Israel na tulos magpoon nin negosasyon sa planong ini kun tatanggapon suboot kan Hamas.
Segun sa kasunduan, posibleng ipagpadagos kan Israel an mga military operation makalihis an ika-42 aldaw kun magiging bako epektibo an mga negosasyon.
An presenteng tigil-putukan, na nagpoon kan Enero, an nagtaong dalan sa pagpapalaya kan 33 Israeli hostages asin limang Thai kapalit kan poco mas o menos 2,000 Palestinian prisoners asin detainees.
