Namantenir ni Islam Makhachev an saiyang status bilang Number 1 sa Pound-for-Pound list sa mixed martial arts (MMA).
Nagibo ni Makhachev na mamatenir an estado kasunod kan magayon na laban na saiyang ipinahiling kan patumbahon si Dustin Poirier.
An naunambitang laban an inilaog sana kan undefeated MMA fighter sa nakalihis na 12 bulan.
Sa presente an kapot ni Makhachev an record na 26 wins asin sarong pagdaog.
Pero poon kan 2015, sunod-sunod na niyang naipagana an 14 fights.
May tyansa siyang patunayan an saiyang kusog sa nakatalaan niyang laban sa January 18, 2025 kontra kay Arman Tsarukyan sa UFC 311.
Mientrastanto, bilang top fighter sa Pound-for-Pound list, pirang mga bigating fighter man an piglalaomang makakalaban ni Makhachev sa masunod na taon, arug nina Alex Pereira, asin Alexandre Pantoja.
Sa Pound-for-Pound list, suminunod kay Makhachev sina Ilia Topuria, Pereira, Pantoja, Belal Muhammad, asin iba pa.
