LEGAZPI CITY-Nagkaigwa nin kasunduan an Iran sa Oman ngani magin matoninong an pag-agi kan mga barko sa Strait of Hormuz.
Kinumpirma ini ni Foreign ministry spokesman Esmaeil Baqaei alagad dai na nagtao pa nin anumang detalye.
Dagdag pa kaini na nasa “final stages” na an nabanggit na kasunduan.
Nagtao man ini nin patanid na an kasunduan sa Oman, dai nag gagarantiya kan ligtas na pag-agi sa Strait of Hormuz.
Iginiit kaini na an seguridad, maapektaran man liwat an pagulang kan US sa mga pantalan kan Iran.
Poon kaya na maglansar nin pag-atake an US asin Israel sa Iran kan Pebrero, inulangan na kan Iran an dakulang parte kan Strait of Hormuz kun sain kadaklan na mga oil asin liquefied natural gas kadalasang nag-aagi sa lugar.
Enot ng sinabi ni US President Donald Trump na saindang tatamaan nin matindi an Iran enkaso dai tulos na buksan an Strait of Hormuz.
