Padagos an pagpapa-uran nin missiles kan Iran sa manlain-laing parte kan Israel.
Pirang mga tinamaan na nagkawsa nin pagsabog an sa parte kan Tel Aviv asin sa Jerusalem.
Segun sa Iran na an nasabing lakdang an bilang kasimbagan ninda sa ginibong pag-atake kan Israel.
Naharang man kan Israel an pirang rockets kan Iran gamit an saindang Iron Dome.
Ipinag-orgolyo man kan Iran na saindang tinamaan an pirang mga military sites kan Israel.
Ikinadagit man ni Israeli Defense Minister Israel Katz an ginibo kan Iran huli sa dinamay na ninda an mga sibilyan.
Magigirumdumang sa ginibong pag-atake kan Israel sa Iran an nasawi an mga haralangkaw na lider arug nina Gen. Hossein Salami, an commander-in-chief of Iran’s Revolutionary Guard asin si Maj. Gen. Mohammad Bagheri, halangkaw na military official kan Iran.
Inakusaran kaya kan Israel an Iran na saindang pig-aayos an nuclear programme kaini na ipig-nigar man ninda.
