LEGAZPI CITY-Nagpakawala nin sunod-sunod na missile an Iran pasiring sa Israel, susog sa Israeli military, mantang nagpapadagos an mga tensyon sa Middle East.
Nag-trigger kan air raid sirens sa nagkapirang lugar sa Israel, kaiba an Tel Aviv, kun saen an mga pagsabog nadangog gikan sa interception.
Igwang mga kaharongan man sa norte kan Israel an nagsapar nin danyos huli sa mga nagsibagsakan na debris alagad warang nairehistrong gadan.
Sa tahaw kan eskalasyon, sinabi ni US President Donald Trump na nagkaigwa sinda nin “productive talks” sa Iran asin naantala an plano suboot na pag-atake sa energy grid kan nacion.
Alagad pignegaran ini kan haralangkaw na opisyal kan Iran asin inapod ining “fake news” asin psychological operation.
Susog sa Iran, walang nangyaring negosasyon sa pagultanan ninda asin Estados Unidos asin iginiit kan Revolutionary Guards na magpapadagos an saindang mga operasyon laban sa mga target kan Amerika.
