Mag-aanunsyar suboot an Iran nin sarong restricted o prohibited zone sa luwas kan Strait of Hormuz na sakop an nagkapirang parte kan Persian Gulf, segun ki Supreme National Security Council Secretary Mohsen Rezaei.
Paliwanag ni Rezaei, mapuon an nasabing lakdang sa linya kan blockade kan US Navy, asin an anuman na barko na malaog an tulos na isasabay sa sanctions list kan saindang nacion.
Inihayag man kan opisyal na napagkasunduan kaibanan an Oman an mapa para sa opisyal na agihan kan mga barko sa Strait of Hormuz asin nakatalaan ining pirmahan sa mga masunod na aldaw.
Mientras tanto, nagpatanid si Iranian Parliament Speaker Mohammad Bagher Ghalibaf na anumang panibagong pag-atake sa saindang nacion an mahahampang sa mas marikas, mas magabat asin mas dakulang kasimbagan.
Sa tahaw kan padagos na tensyon sa rehiyon, inihayag kan health ministry kan Lebanon na tulong katawo an nagadan makalihis tamaan kan Israeli drone attack an sarong behikulo sa banwaan kan Nabatieh.
Nangyari an nasabing pagsakyada mantang nagpapadagos an serye kan mga strike asin operasyong militar kan Israel sa timog na parte kan Lebanon.
