LEGAZPI CITY-Ipinahayag kan Iran na mag-aanunsyo sinda nin sarong restricted o ipinagbabawal na zone sa luwas kan Strait of Hormuz na minasakop sa mga parte kan Persian Gulf, segun sa Supreme National Security Council Secretary Mohsen Rezaei.
Ipinaliwanag ni Rezaei na mapoon an zone sa blockade line kan US Navy, asin an arin man na barko na makalaog digdi, tulos na ikakaag sa sanctions list kan saindang nacion.
Ipinahayag man kan opisyal na pinagkasunduan na an Oman, kaiba sa mga mapa para sa opisyal na pag-agi kan mga barko sa Strait of Hormuz asin na ini nakatalaan na pirmahan sa mga masunod na aldaw.
Mientras tanto, nagpatanid man si Iranian Parliament Speaker Mohammad Bagher Ghalibaf na an anuman na bagong pag’atake sa saindang nacion mapapaatubang sa mas marikas, mas magabat, asin mas masakit na simbag.
Sa tahaw kan padagos na tensyon sa rehiyon, an health ministry kan Lebanon sinabing tulong tawo na an nagadan pagkatapos na an sarong drone strike kan Israel na tumama sa sarong lunadan sa banwaan nin Nabatieh.
An pag’atake nangyari mantang an serye nin mga strike asin operasyong militar kan Israel na nagpapadagos sa South Lebanon.
