Temporaryong isinara kan Iran an dakulang parte kan saindang airspace para sa kadaklan na mga flight makalihis an patanid ni US President Donald Trump, segun sa US aviation authority.
Segun sa US Federal Aviation Administration (FAA), kadaklan sa mga flight sa Iranian airspace an ipinagbawal poon alas 1:45 nin aga sagkod alas 4:00 nin aga, asin an restriksyon ipinaotob giraray poon alas 4:44 nin aga sagkod alas 7:00 nin aga (oras kan Iran).
Tinugotan sana na may permiso na mga flight hale sa Civil Aviation Organization (CAO) kan Iran.
Ipinahiling kan FlightRadar, sarong online flight tracking service na tolong eroplano sana an naglalayog sa ibabaw kan Iran bandang alas 6:05 nin aga, mantang an kadaklan na eroplano nag-divert asin naglayog sa palibot kan mga border kan nasyon.
Binuksan liwat an airspace bandang alas 7 nin aga.
An pagsara kan airspace an kasunod kan mga patanid ni Trump na sakyadahon an Iran makalihis an madahas na crackdown kan gobyerno kan Iran sa mga crackdown na nagwalat nin nagkapirang mga namamanwaan na nagadan.
