Tinuyaw kan Iran an peace proposal kan Estados Unidos ngani na tapuson an giyera sa Middle East.
Inapod kan Iran na “unrealistic, illogical, asin excessive” an mga ipiglatag na kondisyon kan Amerika.
Kasabay kaini, naglansar an Iran nin panibagong missile strikes kontra sa Israel.
Urog pang naghewas an tensyon kan makibali sa kariribukan an Houthi rebels hali sa Yemen asin Hezbollah sa Lebanon, na parehong nagsasagibo nin pag-atake sa Israel.
Bilang kasimbagan, sinabi kan militar kan Israel na nagsasagibo ini nin airstrikes sa mga target na imprastraktura militar sa Tehran asin Beirut.
Huli sa padagos na kariribukan, liwat na naglangkaw an presyo kan langis sa pangkinaban na merkado, na nagpalala sa pagkahadit dapit sa suplay kan enerhiya.
Nagpatanid man si US President Donald Trump sa Iran na mahahampang ini sa posibleng pag-atake kan Amerika sa mga energy facilities kun dae bubuksan an Iran.
