Iranian Ambassador to the Philippines Yousef Esmaeilzadeh expressed Iran's readiness to assist the Philippines, including the government's request to designate the country as "non-hostile" to ensure the safe passage of Philippine-flagged ships and oil supplies.

Ipinahayag ni Iranian Ambassador to the Philippines Yousef Esmaeilzadeh an pagigin handa kan Iran na tabangan an Pilipinas, kabale an kahagadan kan gobyerno na idesignar an nasyon bilang “non-hostile” nganing masyerto an salbadong pag-agi kan mga barko na may bandera kan Pilipinas asin mga suplay nin langis.


Segun ki Palace Press Officer USec. Claire Castro, ginibo kan embahador an pahayag sa pag-oolay ninda ni Maria Theresa Lazaro asin Sharon Garin.


Iniladawan ni Castro an pag-oolay bilang mainit asin bukas, na nagpapahiling kan pagigin handa kan Iran na makipagtabangan.


Hinagad ni Lazaro na pormal na midbidon an Pilipinas bilang sarong “non-hostile country” asin syertuhon an ligtas na pag-agi kan mga barko asin mga oil shipments, na importanteng marhay para sa seguridad kan mga seafarer asin suplay nin enerhiya kan nasyon.


Pigtatapos man kan Department of Energy an mga detalye nganing tulos ining maipadara sa paagi nin mga diplomatic channels, mantang piglalaoman ni Lazaro na maka-olay an Iranian Foreign Minister nganing masyerto an kasunduan sa pinakahalangkaw na lebel.


Tulos na ipinaabot ni Lazaro asin Garin an bagay na ini ki Presidente Ferdinand Marcos Jr.

RELATED ARTICLESMORE FROM AUTHOR