Bahagyang nagrahay an internet connection sa Iran, segun sa monitoring group na NetBlocks, makalihis an labi 200 oras na nationwide internet shutdown huli sa mga protesta laban sa gobyerno.
Sinabi kan Netblocks na may “very slight rise” sa internet connectivity makalihis an 200 oras, alagad idinagdag na an koneksyon an nasa 2 porsyento sana kan ordinaryong antas asin warang senyales nin “significant return”.
An mga protesta sa Iran an naghupa makalihis an sarong crackdown na ikinagadan kan rinibong indibidwal, sarong semana makalihis an pagpoon kan pinakadakulang demonstrasyon sa mga nakaaging taon na nag-agyat sa theocratic system kan nacion.
An mga demonstrasyon na nagpoon huli sa mga agrangay sa ekonomiya an nagpoon sa sarong shutdown sa Tehran bazaar kan Disyembre 28 alagad nagin sarong mahiwasang paghiro na naghagad nin pagtanggal kan clerical system na liderato sa Iran poon kan 1979 revolution.
