LEGAZPI CITY- Inasegurar kan mga kapulisan na mahigot na pigmo-monitor an mga lugar sa provincia kan Masbate na igwa nin posibilidad nin intense political rivalry.
Ini an ngani na maibitaran an anuman na insidente nin kadahasan mantang paparani an pirilian.
Marurumduman na basado sa inisyal na listahan, kaibanan an banwaan kan Baleno asin ciudad kan Masbate sa areas of concern sa Bicol.
Segun ki Masbate Police Provincial Office spokesperson Police Captain Estrella Torres sa intrevista kan Bombo Radyo Legazpi na target kan mga kapulisan na mapreventaran an anuman na insidente nin kriminaidad.
Sa ibong kaini, sinierto kan opisyal na mantenidong matrangkilo an provincia kan Masbate kaya warang dapat na ikahadit an publiko.
