LEGAZPI CITY — Naghahanda na an Police Regional Office 5 (PRO5) katakod kan pagbabantay sa mga lugar na maikokonsiderar na hotspot areas sa rehiyong Bicol para sa paparaning 2019 midterm elections.
Sa intrevista kan Bombo Radyo Legazpi ki Bicol PNP spokesperson Pol. C/Insp. Maria Luisa Calubaquib, wara pa man na nade-determine na mga lugar para sa tulong kategorya alagad tinawang-duon kaini an maingat na intel-driven validation asin pag-scrutinize tangarig na mahiling an mga variables.
Makakaibanan sa Category 1 o areas of concern an mga lugar na may intense rivalry sa mga kandidato, history kan election-related violence huli sa political rivalries siring man an presensya kan private armed groups; nasa Category 2 man o immediate areas of concern an mga lugar na may presensya kan armed threats afuera pa sa mga nasambit sa enot na kategorya.
Maisasairarom man sa Category 3 o areas of grave concern kun yaon an gabos na critical factors siring man an langkaban na armas.
Mientras tanto, personal man na pigkakapotan ni PRO5 Regional Director PC/Supt. Arnel Escobal an mga conferences na dapit digdi mantang dae man pighahale an posibilidad na liwat na magin focus kan pagbabantay an provincia kan Masbate.
Magsisirbe man na agyat ki Masbate PNP Provincial Director PS/Supt. Froilan Navarozza an mga barangay na maidedeklarar bilang election-watchlist areas.
