LEGAZPI CITY (Update) – Naibuyagyag an kadakol na inconsistencies asin lapses sa hanay kan mga transport authiorities sa probinsya kan Catanduanes sa isinagibong congressional inquiry sa shabu laboratory kan House Committee on Dangerous Drugs kan nakalihis na aldaw.
Sa intrevista kan Bombo Radyo Legazpi kay Commitee chair Congressman Robert Ace Barbers, pigbuyagyag kaini an nagkapira sa mga pagkukulang kan Philippine National Police (PNP), Maritime Industry Authorit (MARINA), Philippine Ports Authority (PPA), Philippine Coast Guard (PCG) asin iba pang ahensyang nagbabantay sa pagluwas-laog kan mga kontrabando o anumang iligal na bagay sa lugar.
Segun ki Barbers, may lapses an otoridad sa port sa Catanduanes asin syudad nin Tabaco sa Albay.
Nanghinayang man an kongresista huli sa dae man nadiskutir an punto kuta kan CCTV videos sa kawaran nin oras huli sa nakatutok sinda sa mga pahayag kan husgado, pulis asin iba pang resource persons.
Pigpunto pa kan opisyal an naging discrepancy sa report kan mga pulis sa nasambitang kakayanan na maproducir kan shabu lab na saro may kabangang toneladang shabu kada semana alagad dae pa maabot sa sarong kilo an nakua sa lugar siring mna an nakuang 20 kilong liquid shabu na dae naisabay sa amendment complaint.
Dugang kaini, premature pa kun sasabihon na an resulta kan inquiry asin tinawan man ninda nin oras an mga resource person ngane i-rectify an saindang pahayag antes maikaag sa committee report.
Kun kaya, sinabi ni Barbers na kaipuhan an sunod na hearing kaini sa Kongreso ngane na matukar an gabos na anggulo sa isyu asin masimbag an mga kahaputan sa mga imbweltong indibidwal.
