LEGAZPI CITY — Dae nagpapabaya an Philippine Institute of Volcanology and Seismology (Phivolcs) sa pagbabantay sa bulkang Mayon urog pa na nagtitinir ini sa abnormal level maski kalmado sa presente.
Ineksplikar ni Phivolcs resident volcanologist Ed Laguerta an kakayanan kan bulkan na makagibo nin sarong makusog na pagputok na nakabase sa nabibilog na magma sa irarom na iyo man an primer na rason kan paghubag sa palibot kaini.
Nagluluwas suboot sa nairehistrong datos gikan sa Mt. Mayon kan Enero na nagkaigwa nin “slight inflation” sa bulkan apwera pa sa naenot nang nairehistrong sukol kaini sa nagin pagputok sa mga nakalihis na taon.
Kasabay kan mainit na panahon, kikahandalan man an phreatic explosion siring man an nakapalibot na lava dome mientras na padagos man giraray na pigsusukol an volume kan volcanic materials sa laog na nawalat sa nagin pag-alburuto kaini kan 2014.
Nagpapadagos an pakikipagkoordinar kan ahensya sa Albay Public Safety and Emergency Management Office (APSEMO) asin sa mga local government units (LGUs) sa pagpapasabot sa publiko sa paglikay sa mga posibleng mangyari katakod kan mga naoobserbaran na abnormalidad.
