LEGAZPI CITY— Inilunsar sa syudad kan Legazpi an Information Kiosk katakod kan paparaning Association of South East Asian Nations (ASEAN) 2017.
Obheto kaining mapromotir an papel kan Pilipinas asin maipalakop an chairmanship kaini sa hosting kan nasambitan na event.
Tema kan ASEAN 2017 an “Partnering for Change, Engaging the World” kun sain isasabay an ika-50 anibersaryo kan asosasyon.
Ipapahiling sa nasambitan na information kiosk sa paagi kan audio-visual presentation asin printed materials an manlaen-laen na kultura kan Pilipinas na may obheto man na makua an atensyon kan mga turista.
Ibinugtak ini sa Legazpi City Domestic Airport na pinangenotan kan Philippine Information Agency na katakod kan Presidential Communications and Operations Office.
Sigon ki Angelo Villar, huespe de honor kan event na importante kayang magdulok na mismo an gobyerno sa publiko sa paagi kan interpersonal interaction.
Katakod kaini, sainda suboot na binuhay an saindang information caravan ngani na magin accessible pa sa publiko an mga impormasyon dapit sa mga programa kan gobyerno asin marikas na magbenepisyo digdi an mga tawo.
