LEGAZPI CITY- Nagtetenir na matumal an pagsusunad kan kandidatura kan nagkapirang mga personalidad sa rehiyong Bicol.
Posibleng naghahalatan pa suboot an nagkapirang mga partido antes na magsunad kan saindang certificate of candidacy.
Basado sa pinakahuring datos, nasa 600 na an mga certificate of candidacy na nairehistro sa rehiyon, na kadaklan an mga sannguniang bayan members.
Segun ki Commission on Elections Bicol Director Atty. Jane Valeza na pinaglalaoman ninda na magkakaigwa nin influx sa magsusumiter kan kandidatura sa Oktubre 7 hasta 8.
Pigkokunsiderar man kan opisyal na matrangkilo asin orderly an nakalihis na mga aldaw.
Ini an sa ibong kan pagdagsa kan mga supporters na mawot na maghayag nin suporta sa saindang mga kandidato.
Paliwanag kan opisyal na nakipag koordinar man sainda an mga tagasuporta o mga kandidato kun anong oras maabot sa opisina kaya namamanehar an sitwasyon.
Mientrastanto, napag-araman na duwang provincia pa an warang nagsusunad nin kandidatura sa pagka gobernador asin padagos na pighahalat kan ahensya.
