Medyo nagluya an inflation rate kan Pilipinas kan bulan nin Agosto huli sa mas maluyang paglangkaw kan gastos sa pagkaon asin transportasyon.
Segun sa Philippines Statistics Authority (PSA) na magayon ining development.
Pigsabi ni National Statistician asin PSA chief Claire Dennis Mapa na an inflation an nagsusukol sa rate kan paglangkaw kan mga presyo kan mga babarakalon asin serbisyo, an nagluya sa 3.3% kan nakalihis na bulan, mas hibaba ini kaysa sa 4.4% rate kan Hulyo.
Huli digdi, an year-to-date inflation print sa enot na walong bulan kan 2024 sa 3.6%, pagluya man gikan sa 5.3% rate sa parehong panahon kan nakalihis na taon asin nasa laog pa man kan threshold kan gobyerno na 2% sagkod 4%.
Nagbulusok man ini sa forecast kan Bangko Sentral ng Pilipinas (BSP) na 3.2% sagkod 4% para sa kaparehong period.
