Gadan an sarong piloto kan Indian fighter jet makalihisna ini bumagsak mantang nagsasagibo nin airshow sa Dubai.
Susog sa Indian Air Force na sarong Hindustan Aeronautics Ltds Tejas jet an bumagsak mantang nagsasagibo nin airshow.
Nagpaabot nin pakidumamay an Indian Air Force sa mga kaparientes kan biktima.
Padagos an pigsasagibong imbestigasyon kan mga otoridad kun ano an nagin kawsa kan pagbagsak.
An Dubai Airshow 2025 an inatendiran nin labi sa 148,000 na katawo asin igwang 500 na mga kumpanya ang nagsasagibo nin exhibits.
Nangyari an aksidente sa huring aldaw kan airshow na nagpoon pa kan Lunes asin ginibo sa Al Maktoum International Airport.
