LEGAZPI CITY- Piglangkawan na ngunian kan Department of Agriculture an pigtataong cash assistance para sa mga hograisers na magsasairarom sa depopulation an saindang mga ataman na orig.
Segun kay Lovella Guarin, tagapagtaram kan Department of Agriculture Bicol sa intrevista kan Bombo Radyo Legazpi, maabot na sa 12,000 pesos sa kada payo an itataong asistensiya sa mga hograisers na igwang ataman na breader o mga inahing orig, 8,000 pesos man para sa kada payo kan mga grower asin 4,000 pesos per head para man sa mga biik.
Maagi pa man suboot ini sa approval asin request ngani na matawan nin pondo gikan sa central office.
Dugang pa kan opisyal na sa siring kaining pagdugang kan indemnification an pwedisir suboot na magresulta sa pakikipagtabangan na kan mga nag-aataman nin orig kun saen dae na ninda itatago an saindang mga orig kun may namamatiang helang asin maisairarom sa depopulation kun kinakaipuhan.
Mientrastanto, pangapudan kan opisyal sa mga hograisers na mag- ingat pirmi asin dae pagpakaunon nin mga tira-tirang kaunon an mga orig ngane dae maulakitan kan ASF.
Abiso pa kaini na ugalion an pag disinffect sa mga kulungan kan mga orig ngane na magadan an mga virus sa nasabing lugar.
