Nahulog sa bangin an behikulo kan sarong ina mantang pasiring sa ospital nganing mangaki sa Sigma, Capiz.
Segun sa ina, pasiring na kuta sinda kan saiyang agom sa ospital kaiba an saindang duwang pamangkin kan magpundo sa gilid kan tinampo huli ta maluwas na suboot an aki.
Mantang pigtatabangan ini kan saiyang agom, dae ninda napansin na nag-atras an saindang awto sagkod na mahulog sa bangin.
Sa kagayunan an maswerteng nakaluwas sinda sa behikulo.
Tulos man na nagresponde an BFP Sigma asin Sigma RHU asin inasikaso an ina asin an saiyang omboy na konektado pa an pusod sa ina.
Parehong nasa marhay na kamugtakan an ina asin an saiyang bagong pangaki na omboy.
