Nakatalaan na aprobaran kan Department of Agriculture an importasyon nin 200,000 metric tons nin asukar ngunyan na taon.
Segun kay Agriculture Secretary Francisco Tiu Laurel Jr. obheto kaini na maibitaran an kakulangan nin asukar antes an milling season sa nasyun.
Posibleng mag-abot an imported na asukar sa bulan kan Setyembre na sakto sana para sa panahon kung nuarin may gap sa suplay.
Wara man nin pagkontra an mga grupo nin paraoma asin sugar traders sa nasabing plano kan ahensya.
Sa ngunyan nagkakawat na sa P2,700 hasta 2,800 an presyo kan kada sako nin asukar o nasa P73 hasta P100 an kada kilo depende sa brand.
