Nanindugan si Bukidnon 2nd District Rep. Jonathan Keith Flores na dai dapat magin ulang an presenteng krisis sa enerhiya sa pagpundo kan proseso nin impeachment laban ki Bise Presidente Sara Duterte.
Segun ki Flores, na iyo man an Vice Chairperson kan House Committee on Justice, mandato kan Konstitusyon an pagsunod sa itinalaan na timeline kan impeachment, kun kaya wara sindang legal na basehan na i-octaba ini.
Pigduon kan mambabatas na dati nang nagdesisyon an Korte Suprema laban sa Kamara huli sa pagbalgar kan mga deadline sa siring na mga kaso.
Nanindugan an Kongresista na dae pwedesir i-set aside an hearing huli sana sa krisis.
Pigsugo suboot kan Konstitusyon na dapat nyatong hampangon ini.
Nagsimbag man si Flores sa mga komento na dapat magtutok sana an Kongreso sa krisis sa enerhiya na dara kan tensyon sa Middle East.
Sinabi niya na an Kamara igwa nin supisyenteng mga mambabatas nganing sabay-sabay na maggibo nin manlaen-laen na trabaho.
Sa kabilugang numero na labi 300 na miembros kan Kamara, 50 sana suboot na mambabatas an parte kan Committee on Justice na sarong beses kada semana nagtitiripon para sa impeachment.
Aminado si Flores na mapagal an saiyang kamugtakan bilang sarong mambabatas hale sa Mindanao, kun saen makusog an suporta sa mga Duterte.
Alagad, nanindugan ini na an pagigin parte kan prosecution panel an bako boluntaryo kundi sarong obligasyon sa irarom kan saiyang posisyon sa komite.
