LEGAZPI CITY- (Update) MABUSISI asin warang paghihidaleng imbestigasyon an obheto kan Castilla Municipal Police sa kaso kan panggagadan ki Diana Rose Razo na residente kan Brg. Pangpang, banwaan kan Donsol, Sorsogon.
Sa intrevista kan Bombo Radyo Legazpi ki PS/Insp. Joren Gutay, hepe kan nasambit na hepatura, inasegurar kaini an lakdang tangarig na dae suboot masala sa pag-aakusar sa mga suspek.
Desidido man an lado kan kapulisan sa paghiling kan probable cause mientras na pinaapodan naman an mga ipig-iimbweltong indibidwal na mga aktibong miembro kan CAFGU na liwat na isinairarom sa interrogation.
Sa ngonian, pighahalat na sana kan kapulisan an magigin resulta kan imbestigasyon kan Scene of the Crime Operatives siring man an autopsy report na magpapatotoo kun nilugusan talaga ini.
Ongoing man an pakikipag-olay kan mga ini sa mga posibleng testigo sa krimen tangarig na makabilog nin statement para sa makusog na kaso.
