LEGAZPI CITY-Ipighayag kan sarong partylist group na dapat dai isarig an bilog na imbestigasyon sa duwang kamara huli sa mga limitasyon kan mga ini.
Segun kay Act Teachers Partylist Representative Antonio Tinio, sa intrevista kan Bombo Radyo Legazpi, na may limitasyon an duwang institusyon kun kaya dai dapat na isarig an imbestigasyon enkaso imbuelto an lehislador kun sain dai suboot mangyayari an flood control corruption kun warang role an mga ini, siring man an house of representatives asin senado.
Sinabi man niya na posibleng igwang sabwatan sa Executive, Legislative, o magin sa Commission on Audit kun sain kada departamento an igwang nakakalusot na mga proyekto.
Tinawan doon man ni Tinio na kaipuhan na maibuyagyag an bilog na sistema asin an siring kaining pangyayari sa kongreso, an igwang hangganan asin bako bastante maski pa an malakanyang an igwang defending commission.
Sinabi man niya positibo an epekto kaini sa publiko kun sain kadakol an naaaraman asin namumuklat sinda sa isyu.
Alagad dai man suboot ma-eestablish an criminal liability na dapat trabaho kan Department of Justice asin kan Ombusdman.
Nahihiling niya man suboot sa senado asin senate blue ribbon committee na an piggigibong resource person an kapareho man sana ninda kun sain dapat man na i-check kan DOJ asin Ombudsman an criminal liability sa gobierno asin dapat igwa man sindang sadiring imbestigasyon orog na sa kadakol na lifestyle kan mga opisyales kan gobierno.
Dugang pa kan opisyal na dapat malinaw sa publiko an mga limitasyon kan imbestigasyon asin kun ini an pigkwestyon sa senado, an dapat man na ipig-kwestyun sa house of representatives.
