LEGAZPI CITY – Pigpoproblema kan mga drivers asin residente partikular na sa Barangay Orosite, Legazpi City an mga behikulo na naka ilegal na nakaparada sa mga kakasaldahan na nagkakawsa man nin labing gabat kan trapiko.
Alagad pagdoon ni Task Force Kalinigan at Kaayusan Head Mark Andy Marbella sa intrevista kan Bombo Radyo Legazpi na papatwan ninda nin multa an mga may kagsadiri kan mga behikulo nganing maghanap an mga ini nin otorisadong mapaparadahan asin nganing dae na man pag-arugon kan iba.
Ginibo suboot an tinampo nganing agihan kan mga behikulo siring man an mga sidewalk nganing agihan man kan publiko asin bako paradahan kan mga behikulo.
Rumdumon man dapat kan mga driver na may presenteng ordinansang pigpapa-otob sa ciudad kan Legazpi maski diit man an nag-aagi na behikulo sa sarong tinampo o dakol man.
Pigtaram pa kan opisyal na dapat sabuton kan mga driver na para man sana sa karahayan kan gabos an saindang piggigibo kun kaya dapat magtarabangan an gabos nganing matapos na an problemang pauru-utro man sana.
Punduhon na man dapat suboot kan mga driver na hahalion sana an saindang mga behikulo kun nahiling kan mga ini an saindang grupo asin mga personahes kan Public Safety Office asin ibabalik ini pag-nakahali na sinda.
Afuera sa pangsisista an padagos man an saindang clearing operation nganing matanggal an mga basurang nakabara sa mga kanal asin estero na nagkakawsa man nin pagbabaha urog na kun nakakamate nin makukusog na mga pag-uuran an ciudad.
Pagirumdom ni Marbella sa mga ilegal na nagpaparada sa may parte kan Barangay Orosite na makipagtabangan sa saindang grupo asin dae na magdagdag sa urualdaw na problema kan satuyang mga kahimanwa.
