LEGAZPI CITY – Sarong concerned citizen an nakipag-koordinar sa pulisya na nagresulta sa pagkaka-arestar sa sarong illegal logger sa Sitio Dinanglayan Barangay Buhatan sa banwaan kan Rapu-Rapu.
Kulong an suspek na si Benito Rosadino makalihis na magpositibong iligal na nagpuputol nin kahoy sa bulod na parte kan lugar.
Kan maabutan ini kan mga tauhan kan Rapu-Rapu Municipal Police Station, narekober digdi an manlaen-laen na klase nin pinutol na kahoy.
Kabale an 51 pidaso nin kahoy na dita, 6 na pidaso nin Nato asin 4 na pidaso nin Atipolo.
Paramientras na ipigsairarom an mga nakumpiskar na ebidensya sa pag-ataman ni Barangay Kagawad Jose Ricky Adonardo.
Dadarahon suboot an mga nasambitan na kahoy sa Provincial Environment an Natural Resources Office (PENRO) Albay para sa magkakanigong disposisyon.
