Ipinagmalaki ni House Deputy Minority Leader asin Mamamayang Liberal Partylist Rep. Leila de Lima na an ikatulong impeachment complaint na isinunad laban ki Vice President Sara Duterte an sarong “mas pinahusay” na bersyon kan mga artikulong ipinadara na kaito sa Senado kan nakaaging Kongreso.
Segun ki De Lima, sinuportaran niya an reklamo makalihis surion an nilalaman asin mga kalakip na ebidensya, asin kumpiyansa siyang papasa ini sa mga proseso sa Kamara.
Kabale sa mga ebidensya ang mga video kan suboot huma kontra sa Presidente, First Lady asin dating Speaker Martin Romualdez, mga audit findings, liquidation vouchers, legislative records, asin sinumpaang salaysay katakod kan suboot pag-abuso sa confidential funds kan Office of the Vice Presidente asin DepEd.
Inilahad man ni De Lima an magigin daloy kan reklamo sa Kamara, hale sa transmittal kan Office of the Secretary General, pagbugtak sa Order of Business, pagdiskotir sa Rules Committee, sagkod sa pag-refer sa House Committee on Justice.
Ipinabisto kan abogado kan mga complainant ang grupo na kompwesto nin mga padi, pastor, madre asin civil society members, na ipigdoon na an impeachment an bako sanang orolay nin konstitusyonal kundi moral.
Segun sa mga ini, obheto kan proseso na matawan an ikaduwang Presidente nin tsansa na pagkakataong simbagon an mga paratang asin mailahad kan magkainibong na lado an saindang ebidensya.
