LEGAZPI CITY-Nakaresibe an Anti-Money Laundering Council (AMLC) na ika-anom na freeze order hale sa Court of Appeals sa mga pag-sadiri kan mga imbuelto sa anomalya sa flood control projects.
Segun sa ahensya na an bagong freeze orders an sakop kan 39 na bank accounts, apat na insurance policies asin 59 real estate properties kairiba na an commercial asin agricultural assets.
Dagdag pa kan ahensya na an nagkapirang mga real estates assets an hale sa haralangkaw na opisyal kan gobierno na pigtutubudan suboot na imbuelto sa flood control projects.
Sa presente an igwa ng 1,671 na mga bank accounts an na-freeze kan Anti-Money Laundering Council (AMLC) kairiba na an 58 insurance policies, 163 na mga behikulo, 99 na mga kadagaan, asin 12 e-wallet accounts na nagkakantidad nin kabilugang P4.67-bilyon.
