Warang ihahampang na testigo sa ika-anom na aldaw kan impeachment trial ni Vice President Sara Duterte ngunyan na Miyerkules, Hulyo 15.
Ini makalihis hagadon kan House prosecution panel sa Senate impeachment court na isantabi na an mga testimoniya ninda Office of the Vice President (OVP) chief of staff Zuleika Lopez asin House of Representatives security official Capt. Belinda Bello para sa kasong grave threats kontra sa bise presidente sa irarom kan Article IV kan Articles of Impeachment.
Nakatalaan na dangugon an oral arguments dapit sa pag-isyu nin mga subpoena sa bank records, Anti-Money Laundering Council records asin Bureau of Internal Revenue records kan bise presidente asin agom na si Atty. Manases Carpio.
Enot nang pinuunan an pagtukar kan nasabing artikulo kan Hulyo 6, na pinaglalaoman na madurar nin 11 aldaw, basado sa prosekusyon.
