LEGAZPI CITY-Ipighayag ni Influencer Lawyer Atty. Carlo Ybañez, na nagin educational an ika-24 impeachment trial asin dai nagtukar mapadapit sa mga alegasyon kontra ki Vice President Sara Duterte.
Segun sa abogado, sa intrevista kan Bombo Radyo Legazpi, na mawot kan prosekusyon na masabutan kan mga senator-judges asin taumabayan kun ano an pinag-oolayan sa Article II kan impeachment, kun sain manungod ini sa unexplained wealth, ill-gotten wealth, asin orolay sa Statement of Assets, Liabilities, and Net Worth ( SALN).
Dugang pa niya na, orog pang advantageous ini ngani maaraman kan ibang mga senator-judges an mga teknikalidad sa Article II mantang an iba digdi bako man mga abogado.
Sa pagpresentar suboot ki dating Husgado na si Amparo Cabotaje-Tang, na sarong expert witness, natawan nin linaw an mga teknikal na aspeto kan isyu sa trial, ngani maaraman asin masabutan ini kan gabos na senator-judges para sa saindang pagdedesisyun.
Sinabi pa kan opisyal na normal na taktika ini pagabot sa pag-cross examine sa sarong expert witness huli ta difisil kwestunon ini manungod sa saiyang expertise, halimbawa na an nangyari kay Tang, kun sain experto ini mapadapit sa ill-gotten wealth, SALN, asin iba pa.
