Posibleng irekomenda pa kan Independent Commission for Infrastructure (ICI) an mas magagabat na kaso laban ki dating Department of Public Works and Highways (DPWH) Secretary Manuel Bonoan asin dating mga DPWH undersecretary na sinda Roberto Bernardo asin Maria Catalina Cabral.
Ini an may kinaaraman man giraray sa pigsasagibong imbestigasyon sa maanomalyang flood control projects.
Segun ki ICI Chairperson Andres Reyes Jr., depende man giraray ini sa mga maluwas pang ebidensya asin testimonya.
Sa ngonian kaya an hanggang administrative case pa sana an posibleng hampangon kan mga nasabing dating DPWH official, basado sa mga naguno kan komisyon.
Kasunod kaini, kumpiyansa si Reyes na dakol pang irerekomenda an ICI sa Ombudsman na mga indibidwal na susunadan nin kaso sa anomalyang ini.
Segun saiya na an mga nakuwa nindang impormasyon hale sa mga nagiging resource person kan komisyon an tulos nindang inaaksyunan asin dae na ninda pigpapahaloy.
