Sinayumahan kan Pre-Trial Chamber I kan International Criminal Court (ICC) an apela kan defense team ni dating Presidente Rodrigo Duterte na baliktadon an desisyong nagsasabing siya an “fit” o may kakayahang magpartisipar sa pre-trial proceedings.
Sa desisyong iniluwas kan Biyernes, Pebrero 13, sinabi kan chamber na an argumento kan depensa na pwedesir maglala an salud kan dating Presidente mantang nangyayari an paglilitis an haka-haka asin ispekulatibo.
Nilinaw man kan ICC na an naenot na desisyon kaini kan Enero 26, 2026 mapadapit sa saiyang kakayahang maghampang sa pre-trial proceedings an bako pa pinal na paghusga sa saiyang kakayahang magsairarom sa mismong paglilitis.
Naenot nang ipigdoon kan lado ni Dutete na bako makatarungan ang proseso asin binalewala suboot an “objective facts” na pagluya kan memorya kan dating Presidente.
Patanid pa kan depensa na pwedesir maapektaran an bilog na proseso kun idadagos an hearing sa confirmation of charges mantang bako ganap na nai-exercise ni Duterte an saiyang mga direchos.
Mientrastanto, kasunod kan desisyon kan ICC sa petisyon kan lado ni Duterte, nahihiling mataong dalan ining nganing mag-usad an kaso asin magpursige an nakatalaang confirmation of charges hearing puon sa Pebrero 23.
