LEGAZPI CITY-Piglalaoman kan ICC Office of Public Counsel for Victims (OPCV) na maibasura an mga alegasyon kan defense team ni dating Presidente Rodrigo Duterte sa hurisdiksyon kan tribunal sa kaso kaini.
Sa ika-27 na pahina kan dokumento na may petsang Hunyo 9, piglalaoman kan Principal Counsel na si Paulina Massida, na ibasura an mga alegasyon kan kampo kan dating Presidente, ngani magkaigwa ni linaw ini sa mga posibleng biktima.
Tigtatawan duon kan counsel an ika-38 na pahina kan dokumento na may petsang Mayo 1 na nagkukwestyon sa hurisdiksyon kan International Criminal Court mapadapit sa pag-arestar kan dating Presidente sa kasong crimes against humanity kan panahon nin war on drugs.
Iggamit man ini kan kampo kan dating Presidente ngani mag-apela ngani tulos na mapawarang bisa an mga kaso laban sa saiya.
Paliwanag man kan Office of Public Counsel for Victims (OPCV) na malinaw suboot an nakabugtak sa Article 12 asin 27 kan Time Statute sa pag-atras kan Pilipinas hale sa Statute na warang legal na epekto sa established jurisdiction kan korte urog na kan magpuon na an preliminary examination kan prosecutor bago magin epektibo an pag-withdraw kan Pilipinas.
Igpunto man kan opisina na pwedesir ninda i-exercise an saindang hurisdiksyon sa presenteng kaso asin magtao nin pahayag kan malala na concern sa kampo kan mga biktima enkaso na magpundo an proceedings sa kaso laban sa dating Presidente sa oras na manggana an mga agyat kan defense team sa hurisdiksyon kan tribunal.
