Ipigdoon kan International Criminal Court (ICC) na si dating Presidente Rodrigo Duterte an may direktang kontrol asin nagtao nin suportang pinansyal sa mahiwasang gadanan sa irarom kan saiyang anti-narcotics campaign.
Sa ginibong confirmation of charges hearing kan Lunes na dae inatendiran ni Duterte, ipinunto ni ICC Prosecutor Mame Mandiaye Niang na pigtawan nin pondo asin personal na pigtutukoy kan dating presidente an mga target kan Davao Death Squad o DDS.
Segun ki Niang, importante an kontribusyon ni Duterte nganing ma-neutralize an mga kriminal sa Pilipinas sa paagi kan paggadan.
Tinawan-doon kan prosecutor na afuera sa regular salary, nakakaresibe man suboot nin per head ang mga direktang salarin na nagsusunod sa orden huli sa takot, pabuya, o bulag na katapatan.
Patunay man suboot kan ganap na kapangyarihan ni Duterte an pagbaba kan kaso nin gadanan kan ipasuspinder niya nin duwang beses an operasyon.
Nahahampang si Duterte sa tulong counts nin crimes against humanity huli sa kawaran nin due process para sa mga biktima.
Segun sa datos kan gobierno, maabot sa 6,200 ang nagadan sa drug war, alagad pigdoon kan human rights groups na posibleng nagsakat ini sa 30,000.
Ipapadagos an mga hearig sa Pebrero 24, 26, asin 27.
