Nilinaw ni ICC assistant to counsel Kristina Conti na dae awtomatikong maaarestar an mga pinangaranang suboot kasabwat ni dating Presidente Rodrigo Duterte sa kasong crimes against humanity sa International Criminal Court.
Sinabi ni Conti na nasa prosecutorial discretion kan ICC Prosecutor kun sisay an hahagadan kan arrest warrant.
Aniya na mantang malinaw na sakop kan ICC an gabos na imbuelto, kalimitang pigtututukan kan prosekusyon an “most responsible” o may pinakamataas na papel asin kapangyarihang pugulan ang krimen.
Kabale sa mga pinangaranan sinda Senador Ronald dela Rosa asin Senador Bong Go; dating Justice secretary Vitaliano Aguirre II; mga dating hepe kan Philippine National Police na sinda Vicente Danao, Camilo Cascolan, asin Oscar Albayalde; dating pamayo kan National Bureau of Investigation na si Dante Gierran; asin dating hepe kan Philippine Drug Enforcement Agency na si Isidro Lapeña.
Mientrastanto, pinahimutikan kan kampo ni Duterte an mga alegasyon asin iniladawan an listahang iniluwad kan ICC bilang “ganap na warang katotoohan.”
