Ibinasura kan International Criminal Court (ICC) an petisyon kan lado ni dating Presidente Rodrigo Duterte mapadapit sa jurisdiction kan korte.
Basado sa desisyon kan ICC Pre-Trial Chamber na iniluwas kan Oktubre 23, nanindugan sinda na otorisado sinda na ipadagos an kaso laban sa dating presidente huli sa crimes against humanity.
Dugang pa kaini na pwedesir nindang kapotan an kaso maski na nangyari an krimen sa Pilipinas.
Sinayumahan man kan korte an kahagadan na depensa na ipag-octaba an pagpapaluwas kan desisyon.
Nangangahulugan ini na an prosecution kan kaso an madadagos sa The Hague.
Magigiromdomang naarestar si Duterte kan Marso 11 huli na man sa kahagadan kan ICC bilang parte kan imbestigasyon sa “war on drugs” kan ini an presidente kan nacion.
Ipig-octaba an confirmation of charges kan Setyembre 23 huli sa kahagadan kan kampo ni Duterte.
Kaiba man sa ibinasura kan ICC Pre-Trial Chamber an kahagadan kan defense team na interim release sa dating presidente.
